mere dil ko mayassar hogi tanhai to kya hoga

mire dil ko mayassar hogī tanhā.ī to kyā hogā

agar vāpas na aa.egā vo harjā.ī to kyā hogā

mire ash'ār ahl-e-anjuman ke pesh-e-ḳhidmat haiñ

nahīñ hogī agar 'merī pazīrā.ī to kyā hogā

manāzir ḳhuub dilkash haiñ nazar meñ aap kī lekin

chalī jā.egī jab āñkhoñ kī bīnā.ī to kyā hogā

sar-o-sāmān le kar ham chale aa.e haiñ jangal meñ

agar ham ko na aa.ī raas tanhā.ī to kyā hogā

baḌī mushkil se maiñ ne zindagānī kī hifāzat kī

musībat phir mire ghar tak chalī aa.ī to kyā hogā

garebāñ chaak apnā sī chuke 'adnān' ham kab kā

agar is shauq ne lī phir se añgḌā.ī to kyā hogā

mere dil ko mayassar hogi tanhai to kya hoga

agar wapas na aaega wo harjai to kya hoga

mere ash'ar ahl-e-anjuman ke pesh-e-KHidmat hain

nahin hogi agar 'meri pazirai to kya hoga

manazir KHub dilkash hain nazar mein aap ki lekin

chali jaegi jab aankhon ki binai to kya hoga

sar-o-saman le kar hum chale aae hain jangal mein

agar hum ko na aai ras tanhai to kya hoga

baDi mushkil se main ne zindagani ki hifazat ki

musibat phir mere ghar tak chali aai to kya hoga

gareban chaak apna si chuke 'adnan' hum kab ka

agar is shauq ne li phir se angDai to kya hoga