Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

عاشق سمجھ رہے ہیں مجھے دل لگی سے آپ

بیخود دہلوی

عاشق سمجھ رہے ہیں مجھے دل لگی سے آپ

بیخود دہلوی

عاشق سمجھ رہے ہیں مجھے دل لگی سے آپ

واقف نہیں ابھی مرے دل کی لگی سے آپ

دل بھی کبھی ملا کے ملے ہیں کسی سے آپ

ملنے کو روز ملتے ہیں یوں تو سبھی سے آپ

سب کو جواب دے گی نظر حسب مدعا

سن لیجے سب کی بات نہ کیجے کسی سے آپ

مرنا مرا علاج تو بے شک ہے سوچ لوں

یہ دوستی سے کہتے ہیں یا دشمنی سے آپ

ہوگا جدا یہ ہاتھ نہ گردن سے وصل میں

ڈرتا ہوں اڑ نہ جائیں کہیں نازکی سے آپ

زاہد خدا گواہ ہے ہوتے فلک پر آج

لیتے خدا کا نام اگر عاشقی سے آپ

اب گھورنے سے فائدہ بزم رقیب میں

دل پر چھری تو پھیر چکے بے رخی سے آپ

دشمن کا ذکر کیا ہے جواب اس کا دیجئے

رستہ میں کل ملے تھے کسی آدمی سے آپ

شہرت ہے مجھ سے حسن کی اس کا مجھے ہے رشک

ہوتے ہیں مستفیض مری زندگی سے آپ

دل تو نہیں کسی کا تجھے توڑتے ہیں ہم

پہلے چمن میں پوچھ لیں اتنا کلی سے آپ

میں بے وفا ہوں غیر نہایت وفا شعار

میرا سلام لیجے ملیں اب اسی سے آپ

آدھی تو انتظار ہی میں شب گزر گئی

اس پر یہ طرہ سو بھی رہیں گے ابھی سے آپ

بدلا یہ روپ آپ نے کیا بزم غیر میں

اب تک مری نگاہ میں ہیں اجنبی سے آپ

پردے میں دوستی کے ستم کس قدر ہوئے

میں کیا بتاؤں پوچھئے یہ اپنے جی سے آپ

اے شیخ آدمی کے بھی درجے ہیں مختلف

انسان ہیں ضرور مگر واجبی سے آپ

مجھ سے صلاح لی نہ اجازت طلب ہوئی

بے وجہ روٹھ بیٹھے ہیں اپنی خوشی سے آپ

بیخودؔ یہی تو عمر ہے عیش و نشاط کی

دل میں نہ اپنے توبہ کی ٹھانیں ابھی سے آپ

RECITATIONS

نعمان شوق

نعمان شوق,

نعمان شوق

عاشق سمجھ رہے ہیں مجھے دل لگی سے آپ نعمان شوق

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have remaining out of free content pages per year. Log In or Register to become a Rekhta Family member to access the full website.

بولیے