نیاز فتح پوری کے افسانے

درس محبت

یہ یونان کی اپنے زمانہ میں سب سے خوبصورت لڑکی کی کہانی ہے، جو زہرہ دیوی کے مندر میں رہتی ہے۔ اس کے حسن کے چرچے ہر طرف ہیں۔ یہاں تک کہ اس ملک کا شہزادہ بھی اس کا دیوانہ ہے۔ ایک رات وہ اس سے ایک ندی کے کنارے ملتا ہے اور وہاں وہ شہزادے کو محبت کا ایسا درس دیتی ہے جس میں وہ فیل ہو جاتا ہے اور وہ حسین لڑکی ایک کسان کے بیٹے سے شادی کر لیتی ہے۔

دو گھنٹے جہنم میں

یہ درد سے تڑپتے ایک ایسے شخص کی کہانی ہے، جس کی زندگی ڈاکٹر صرف دو گھنٹے مزید بتاتا ہے۔ ڈاکٹر کے یہ کہنے کے کچھ دیر بعد ہی وہ شخص بیہوش ہو جاتا ہے اور اسےمحسوس ہوتا ہے کہ فرشتے اسے آسمان پر لے جا رہے ہیں۔ وہاں وہ جہنم کے الگ الگ حصہ کو دیکھتا ہے اور دو گھنٹے کے بعد جب اسے ہوش آتا ہے تو وہ اپنی بیوی کو چارپائی کے پاس بیٹھے روتے ہوئے پاتا ہے۔

دنیا کا اولین بت ساز

’’یہ کہانی مرد و زن کے پیچیدہ رشتوں کے بارے میں بات کرتی ہے۔ دنیا کا پہلا بت تراش انجانے میں ایک بت بنا دیتا ہے۔ جب وہ اس بت کو غور سے دیکھتا ہے تو وہ ایک عورت کا بت ہوتا ہے۔ اس عورت میں جان ڈالنے کے لیے وہ رات، دن، چاند سورج، ستارے ہر کسی سے منت کرتا ہے۔ بالآخر وہ عورت ایک جیتی جاگتی انسان بن جاتی ہے۔ اس کے ساتھ ہی اس میں بت تراش کی ساری دلچسپی ختم ہو جاتی ہے۔‘‘

محبت کی دیوی

’’یہ ایک ایسی لڑکی کی کہانی ہے، جو اپنے حسن اور پاک دامنی کے لیے پورے علاقے میں مشہور ہے۔ وہ جب مندر میں پوجا کرنے آتی ہے، اس کی ایک جھلک پانے کے لیے وہاں سینکڑوں لڑکوں کی قطار لگی رہتی ہے۔ مگر نہ چاہتے ہوئے بھی جس کی محبت میں تڑپتے ہوئے وہ اپنی جان دے دیتی ہے، وہ کوئی اور نہیں، محمد قاسم ہوتا ہے۔‘‘

دو خط

دو دوستوں کی کہانی، جو کالج سے نکلنے کے ایک عرصہ بعد ایک دوسرے کو خط لکھتے ہیں۔ اس درمیان ان دونوں کی شادی ہو چکی ہوتی ہے۔ مگر انہیں جس طرح کے جیون ساتھی ملے ہیں ان سے وہ اس قدر تنگ آ چکے ہیں کہ ان کے پاس ایک دوسرے کے حالات پر ہنسنے کے علاوہ اور کوئی چارہ نہیں ہوتا ہے۔

شہید آزادی

دولت اور شہرت کو کنبے اور رشتوں سے زیادہ اہمیت دینے والی ایک ایسی عورت کی کہانی، جس کی شادی ایک تاجر سے ہو جاتی ہے۔ شادی کے بعد بھی وہ اپنی زندگی میں کسی طرح کی کوئی تبدیلی نہیں کرتی۔ اس کا شوہر تجارت کے سلسلے میں ودیش چلا جاتا ہے تبھی اس کی زندگی میں ایک بگڑا ہوا امیرزادہ آ تا ہے، جو اس کی زندگی کو موت کے دہانے تک لے جاتا ہے۔

زہرہ کا ایک پجاری

’’یہ ایک ایسے شخص کی کہانی ہے، جو یونان میں عشق کی دیوی زہرہ کے مندر کا پجاری ہے۔ اپنی موسیقی اور درد بھرے اشعار سے وہ پورے دیش میں مشہور ہو جاتا ہے۔ یہاں تک کہ بادشاہ کی بیٹی بھی اس کی دیوانی ہوکر اس سے ملنے آتی ہے۔ مگر وہ اس کی تجویز کو ٹھکرا دیتا ہے اور زیادہ زور دینے پر خودکشی کر لیتا ہے۔‘‘