muskurānā bhī ek fan hai 'azīz'
sab ko aatā nahīñ zamāne meñ
muskurana bhi ek fan hai 'aziz'
sab ko aata nahin zamane mein
jabīn-e-shauq har ik dar pe ḳham nahīñ hotī
har ik zamīn zamīn-e-haram nahīñ hotī
jabin-e-shauq har ek dar pe KHam nahin hoti
har ek zamin zamin-e-haram nahin hoti
ġhair ke hāthoñ meñ kyuuñ dete ho apnī pagḌī
baat ghar kī hai to phir baat ko ghar rahne do
ghair ke hathon mein kyun dete ho apni pagDi
baat ghar ki hai to phir baat ko ghar rahne do
kareñ haiñ ābrū-poshī zarā se chithḌe se
kahāñ pe qarz liyā thā kahāñ hisāb huā
karen hain aabru-poshi zara se chithDe se
kahan pe qarz liya tha kahan hisab hua
