Sher on Daulat

paas thā zar to koī aib na thā

sab uyuub aa.e be-zarī ke saath

pas tha zar to koi aib na tha

sab uyub aae be-zari ke sath

daulat se kahāñ juḌte haiñ TuuTe hue rishte

shīshe ko kabhī goñd se joḌā nahīñ jaatā

daulat se kahan juDte hain TuTe hue rishte

shishe ko kabhi gond se joDa nahin jata

daulat shohrat biivī bachche achchhā ghar aur achchhe dost

kuchh to hai jo in ke baa'd bhī hāsil karnā baaqī hai

daulat shohrat biwi bachche achchha ghar aur achchhe dost

kuchh to hai jo in ke ba'd bhi hasil karna baqi hai

jab khule naqd ke ausāf ba-faiz-e-naqdī

kuchh risāloñ ke editor bhī taraf-dār hue

jab khule naqd ke ausaf ba-faiz-e-naqdi

kuchh risalon ke editor bhi taraf-dar hue

fikr maalī kī baḌhne vaalī hai

peḌ phaldār hone vaale haiñ

fikr mali ki baDhne wali hai

peD phaldar hone wale hain