Sher on Daastaan

sunā.ī maiñ ne to mujh se ḳhafā hue kyuuñ log

kisī kā naam mirī dāstāñ meñ thā hī nahīñ

sunai main ne to mujh se KHafa hue kyun log

kisi ka nam meri dastan mein tha hi nahin

salām āḳhir hai ahl-e-anjuman ko

ḳhumār ab ḳhatm apnī dāstāñ hai

salam aaKHir hai ahl-e-anjuman ko

KHumar ab KHatm apni dastan hai

yaad mat rakhiyo ye rūdād hamārī hargiz

ham the vo tāj-mahal 'jaun' jo Dhaa.e bhī ga.e

yaad mat rakhiyo ye rudad hamari hargiz

hum the wo taj-mahal 'jaun' jo Dhae bhi gae

vo kāñTā hai jo chubh kar TuuT jaa.e

mohabbat kī bas itnī dāstāñ hai

wo kanTa hai jo chubh kar TuT jae

mohabbat ki bas itni dastan hai