Sher on Barham

na ho barham jo bosa be-ijāzat le liyā maiñ ne

chalo jaane do betābī meñ aisā ho hī jaatā hai

na ho barham jo bosa be-ijazat le liya main ne

chalo jaane do betabi mein aisa ho hi jata hai

gila mujh se thā yā merī vafā se

mirī mahfil se kyuuñ barham ga.e vo

gila mujh se tha ya meri wafa se

meri mahfil se kyun barham gae wo

isī pe shahr kī saarī havā.eñ barham thiiñ

ki ik diyā mire ghar kī muñDer par bhī thā

isi pe shahr ki sari hawaen barham thin

ki ek diya mere ghar ki munDer par bhi tha

hamārī zindagī kahne kī had tak zindagī hai bas

ye shīrāza bhī dekhā jaa.e to barham hai barsoñ se

hamari zindagi kahne ki had tak zindagi hai bas

ye shiraaza bhi dekha jae to barham hai barson se

ham-nashīñ dekhī nahūsat dāstān-e-hijr kī

sohbateñ jamne na paa.ī thiiñ ki barham ho ga.iiñ

ham-nashin dekhi nahusat dastan-e-hijr ki

sohbaten jamne na pai thin ki barham ho gain

zindagī se zindagī rūThī rahī

aadmī se aadmī barham rahā

zindagi se zindagi ruThi rahi

aadmi se aadmi barham raha

tamām anjuman-e-vāz ho ga.ī barham

liye hue koī yuuñ sāġhar-e-sharāb aayā

tamam anjuman-e-waz ho gai barham

liye hue koi yun saghar-e-sharab aaya

idhar aa ham dikhāte haiñ ġhazal kā aa.ina tujh ko

ye kis ne kah diyā gesū tire barham nahīñ pyāre

idhar aa hum dikhate hain ghazal ka aaina tujh ko

ye kis ne kah diya gesu tere barham nahin pyare

tujh se barham huuñ kabhī ḳhud se ḳhafā

kuchh ajab raftār hai tere baġhair

tujh se barham hun kabhi KHud se KHafa

kuchh ajab raftar hai tere baghair

barham haiñ mujh pe is liye donoñ taraf ke log

dīvār uTh ga.ī thī to dar kyuuñ banāyā hai

barham hain mujh pe is liye donon taraf ke log

diwar uTh gai thi to dar kyun banaya hai

kuchh to hassās ham ziyāda haiñ

kuchh vo barham ziyāda hotā hai

kuchh to hassas hum ziyaada hain

kuchh wo barham ziyaada hota hai