Jalal Lakhnavi
Ghazal 18
Sher-o-Shayari 12
ishq kī choT kā kuchh dil pe asar ho to sahī
dard kam ho yā ziyāda ho magar ho to sahī
ishq ki choT ka kuchh dil pe asar ho to sahi
dard kam ho ya ziyaada ho magar ho to sahi
shab ko mai ḳhuub sī pī sub.h ko tauba kar lī
riñd ke riñd rahe haath se jannat na ga.ī
shab ko mai KHub si pi subh ko tauba kar li
rind ke rind rahe hath se jannat na gai
maiñ ne pūchhā ki hai kyā shaġhl to hañs kar bole
aaj kal ham tere marne kī duā karte haiñ
main ne puchha ki hai kya shaghl to hans kar bole
aaj kal hum tere marne ki dua karte hain
ik raat dil-jaloñ ko ye aish-e-visāl de
phir chāhe āsmān jahannam meñ Daal de
just one night give these deprived the joy of company
thereafter if you wish merge paradise and purgatory
ek raat dil-jalon ko ye aish-e-visal de
phir chahe aasman jahannam mein Dal de
just one night give these deprived the joy of company
thereafter if you wish merge paradise and purgatory
jis ne kuchh ehsāñ kiyā ik bojh sar par rakh diyā
sar se tinkā kyā utārā sar pe chhappar rakh diyā
anyone who did a favour placed a burden on my head
removed a straw from over me, and placed a mountain instead
jis ne kuchh ehsan kiya ek bojh sar par rakh diya
sar se tinka kya utara sar pe chhappar rakh diya
anyone who did a favour placed a burden on my head
removed a straw from over me, and placed a mountain instead
