maslahat kā yahī taqāzā hai

vo na māneñ to maan jaao tum

maslahat ka yahi taqaza hai

wo na manen to man jao tum

umiid un se vafā kī to ḳhair kyā kiije

jafā bhī karte nahīñ vo kabhī jafā kī tarah

umid un se wafa ki to KHair kya kije

jafa bhi karte nahin wo kabhi jafa ki tarah

apne chehre se jo zulfoñ ko haTāyā us ne

dekh lī shaam ne tābinda sahar kī sūrat

apne chehre se jo zulfon ko haTaya us ne

dekh li sham ne tabinda sahar ki surat

chārasāzoñ kī chāra-sāzī se

aur bīmār kī dashā bigḌī

chaarasazon ki chaara-sazi se

aur bimar ki dasha bigDi

gila mujh se thā yā merī vafā se

mirī mahfil se kyuuñ barham ga.e vo

gila mujh se tha ya meri wafa se

meri mahfil se kyun barham gae wo