ghar meñ ḳhud ko qaid to maiñ ne aaj kiyā hai

tab bhī tanhā thā jab mahfil mahfil thā maiñ

ghar mein KHud ko qaid to main ne aaj kiya hai

tab bhi tanha tha jab mahfil mahfil tha main

ab mujhe kaun jiit saktā hai

tū mire dil kā āḳhirī Dar thā

ab mujhe kaun jit sakta hai

tu mere dil ka aaKHiri Dar tha

kaun thā vo jis ne ye haal kiyā hai merā

kis ko itnī āsānī se hāsil thā maiñ

kaun tha wo jis ne ye haal kiya hai mera

kis ko itni aasani se hasil tha main

kaise TukḌoñ meñ use kar luuñ qubūl

jo mirā saare kā saarā thā kabhī

kaise TukDon mein use kar lun qubul

jo mera sare ka sara tha kabhi

kaun kahe ma.asūm hamārā bachpan thā

khel meñ bhī to aadhā aadhā āñgan thā

kaun kahe masum hamara bachpan tha

khel mein bhi to aadha aadha aangan tha

haiñ ab is fikr meñ Duube hue ham

use kaise lage rote hue ham

hain ab is fikr mein Dube hue hum

use kaise lage rote hue hum

fāsla rakh ke bhī kyā hāsil huā

aaj bhī us kā hī kahlātā huuñ maiñ

fasla rakh ke bhi kya hasil hua

aaj bhi us ka hi kahlata hun main

kahāñ sochā thā maiñ ne bazm-ārā.ī se pahle

ye merī āḳhirī mahfil hai tanhā.ī se pahle

kahan socha tha main ne bazm-arai se pahle

ye meri aaKHiri mahfil hai tanhai se pahle

jhuuT par us ke bharosā kar liyā

dhuup itnī thī ki saayā kar liyā

jhuT par us ke bharosa kar liya

dhup itni thi ki saya kar liya

nayā yuuñ hai ki an-dekhā hai sab kuchh

yahāñ tak raushnī aatī kahāñ thī

naya yun hai ki an-dekha hai sab kuchh

yahan tak raushni aati kahan thi

jin par maiñ thoḌā sā bhī āsān huā huuñ

vahī batā sakte haiñ kitnā mushkil thā maiñ

jin par main thoDa sa bhi aasan hua hun

wahi bata sakte hain kitna mushkil tha main

achānak haḌbaḌā kar niiñd se maiñ jaag uTThā huuñ

purānā vāqi.a hai jis pe hairat ab huī hai

achanak haDbaDa kar nind se main jag uTTha hun

purana waqia hai jis pe hairat ab hui hai

vahāñ iid kyā vahāñ diid kyā

jahāñ chāñd raat na aa.ī ho

wahan id kya wahan did kya

jahan chand raat na aai ho

ḳhvāb vaise to ik ināyat hai

aañkh khul jaa.e to musībat hai

KHwab waise to ek inayat hai

aankh khul jae to musibat hai

patā nahīñ ye tamannā-e-qurb kab jaagī

mujhe to sirf use sochne kī aadat thī

pata nahin ye tamanna-e-qurb kab jagi

mujhe to sirf use sochne ki aadat thi

bahut bhaTke to ham samjhe haiñ ye baat

burā aisā nahīñ apnā makāñ bhī

bahut bhaTke to hum samjhe hain ye baat

bura aisa nahin apna makan bhi

bahut hasīñ raat hai magar tum to so rahe ho

nikal ke kamre se ik nazar chāñdnī to dekho

bahut hasin raat hai magar tum to so rahe ho

nikal ke kamre se ek nazar chandni to dekho

ek din ham achānak baḌe ho ga.e

khel meñ dauḌ kar us ko chhūte hue

ek din hum achanak baDe ho gae

khel mein dauD kar us ko chhute hue

kam se kam duniyā se itnā mirā rishta ho jaa.e

koī merā bhī burā chāhne vaalā ho jaa.e

kam se kam duniya se itna mera rishta ho jae

koi mera bhi bura chahne wala ho jae

pahlī baar vo ḳhat likkhā thā

jis kā javāb bhī aa saktā thā

pahli bar wo KHat likkha tha

jis ka jawab bhi aa sakta tha

larazte kāñpte hāthoñ se būḌhā

chilam meñ phir koī dukh bhar rahā thā

larazte kanpte hathon se buDha

chilam mein phir koi dukh bhar raha tha

bhiiḌ meñ jab tak rahte haiñ joshīle haiñ

alag alag ham log bahut sharmīle haiñ

bhiD mein jab tak rahte hain joshile hain

alag alag hum log bahut sharmile hain

bahut himmat kā hai ye kaam 'shāriq'

ki sharmāte nahīñ Darte hue ham

bahut himmat ka hai ye kaam 'shaariq'

ki sharmate nahin Darte hue hum

kis tarah aa.e haiñ is pahlī mulāqāt talak

aur mukammal hai judā hone kī tayyārī bhī

kis tarah aae hain is pahli mulaqat talak

aur mukammal hai juda hone ki tayyari bhi

rukā mahfil meñ itnī der tak maiñ

ujāloñ kā buḌhāpā dekh aayā

ruka mahfil mein itni der tak main

ujalon ka buDhapa dekh aaya

bīnā.ī bhī kyā kyā dhoke detī hai

duur se dekho saare dariyā niile haiñ

binai bhi kya kya dhoke deti hai

dur se dekho sare dariya nile hain

umr bhar kis ne bhalā ġhaur se dekhā thā mujhe

vaqt kam ho to sajā detī hai bīmārī bhī

umr bhar kis ne bhala ghaur se dekha tha mujhe

waqt kam ho to saja deti hai bimari bhi

ye sach hai duniyā bahut hasīñ hai

magar mirī umr kī nahīñ hai

ye sach hai duniya bahut hasin hai

magar meri umr ki nahin hai

vo bastī nā-ḳhudāoñ kī thī lekin

mile kuchh Dūbne vaale vahāñ bhī

wo basti na-KHudaon ki thi lekin

mile kuchh Dubne wale wahan bhi

ho sabab kuchh bhī mire aañkh bachāne kā magar

saaf kar duuñ ki nazar kam nahīñ aatā hai mujhe

ho sabab kuchh bhi mere aankh bachane ka magar

saf kar dun ki nazar kam nahin aata hai mujhe

tirī tarah nahīñ āsān vāpsī merī

maiñ rāstoñ ko samajhtā huā nahīñ aaya

teri tarah nahin aasan wapsi meri

main raston ko samajhta hua nahin aaya

qurb kā us ke uThā kar fā.eda

hijr kā sāmāñ ikaTThā kar liyā

qurb ka us ke uTha kar faeda

hijr ka saman ikaTTha kar liya

manziloñ par ham mileñ ye tai huā

vāpsī meñ saath pakkā kar liyā

manzilon par hum milen ye tai hua

wapsi mein sath pakka kar liya

sab guzarte rahe saf-ba-saf paas se

mere siine pe ik phuul rakhte hue

sab guzarte rahe saf-ba-saf pas se

mere sine pe ek phul rakhte hue

log sah lete the hañs kar kabhī be-zārī bhī

ab to mashkūk huī apnī milan-sārī bhī

log sah lete the hans kar kabhi be-zari bhi

ab to mashkuk hui apni milan-sari bhi

intihā tak baat le jaatā huuñ maiñ

ab use aise hī samjhātā huuñ maiñ

intiha tak baat le jata hun main

ab use aise hi samjhata hun main

shāyad use zarūrat ho ab parde kī

raushniyāñ ghar kī maddham kar jā.ūñ maiñ

shayad use zarurat ho ab parde ki

raushniyan ghar ki maddham kar jaun main

ajab lahje meñ karte the dar-o-dīvār bāteñ

mire ghar ko bhī shāyad merī aadat ab huī hai

ajab lahje mein karte the dar-o-diwar baaten

mere ghar ko bhi shayad meri aadat ab hui hai

nahīñ maiñ hausla to kar rahā thā

zarā tere sukūñ se Dar rahā thā

nahin main hausla to kar raha tha

zara tere sukun se Dar raha tha

kis ehsās-e-jurm kī sab karte haiñ tavaqqo

ik kirdār kiyā thā jis meñ qātil thā maiñ

kis ehsas-e-jurm ki sab karte hain tawaqqo

ek kirdar kiya tha jis mein qatil tha main

rakheñ kyūñkar hisāb ek ek pal kā

balā se roz kam hote hue ham

rakhen kyunkar hisab ek ek pal ka

bala se roz kam hote hue hum

ḳhud hī tamāsha karte karte

mahv-e-tamāshā ho jaatā huuñ

KHud hi tamasha karte karte

mahw-e-tamasha ho jata hun

jo sun ke piiTh thapakte vo yaar ḳhvāb hue

gunāh sirf chhupāne ke rah ga.e mere

jo sun ke piTh thapakte wo yar KHwab hue

gunah sirf chhupane ke rah gae mere

guftugū kar ke pareshāñ huuñ ki lahje meñ tire

vo khulā-pan hai ki dīvār huā jaatā hai

guftugu kar ke pareshan hun ki lahje mein tere

wo khula-pan hai ki diwar hua jata hai

saarī duniyā se laḌe jis ke liye

ek din us se bhī jhagḌā kar liyā

sari duniya se laDe jis ke liye

ek din us se bhi jhagDa kar liya

ga.e bhī jaan se aur koī mutma.in na huā

ki phir difā.a na karne kī ham pe tohmat thī

gae bhi jaan se aur koi mutmain na hua

ki phir difaa na karne ki hum pe tohmat thi

aao gale mil kar ye dekheñ

ab ham meñ kitnī duurī hai

aao gale mil kar ye dekhen

ab hum mein kitni duri hai

niiñd ke vāste vaise bhī zarūrī hai thakan

pyaas bhaḌkā.eñ kisī saa.e kā pīchhā kar aa.eñ

nind ke waste waise bhi zaruri hai thakan

pyas bhaDkaen kisi sae ka pichha kar aaen

abhī to achchhī lagegī kuchh din judā.ī kī rut

abhī hamāre liye ye sab kuchh nayā nayā hai

abhi to achchhi lagegi kuchh din judai ki rut

abhi hamare liye ye sab kuchh naya naya hai

ek muddat huī ghar se nikle hue

apne māhaul meñ ḳhud ko dekhe hue

ek muddat hui ghar se nikle hue

apne mahaul mein KHud ko dekhe hue