ab tak hamārī umr kā bachpan nahīñ gayā

ghar se chale the jeb ke paise girā diye

ab tak hamari umr ka bachpan nahin gaya

ghar se chale the jeb ke paise gira diye

bichhaḌ kar us se sīkhā hai tasavvur ko badan karnā

akele meñ use chhūnā akele meñ suḳhan karnā

bichhaD kar us se sikha hai tasawwur ko badan karna

akele mein use chhuna akele mein suKHan karna

mirī qīmat ko sunte haiñ to gāhak lauT jaate haiñ

bahut kamyāb ho jo shai vo hotī hai girāñ aksar

meri qimat ko sunte hain to gahak lauT jate hain

bahut kamyab ho jo shai wo hoti hai giran aksar

pursish-e-hāl se ġham aur na baḌh jaa.e kahīñ

ham ne is Dar se kabhī haal na pūchhā apnā

pursish-e-haal se gham aur na baDh jae kahin

hum ne is Dar se kabhi haal na puchha apna

maiñ ghar basā ke samundar ke biich soyā thā

uThā to aag kī lapToñ meñ thā makān mirā

main ghar basa ke samundar ke bich soya tha

uTha to aag ki lapTon mein tha makan mera