Mahmood Ayaz
Ghazal 15
Nazm 18
Sher-o-Shayari 10
chāñd ḳhāmosh jā rahā thā kahīñ
ham ne bhī us se koī baat na kī
chand KHamosh ja raha tha kahin
hum ne bhi us se koi baat na ki
lafz o manzar meñ ma.ānī ko TaTolā na karo
hosh vaale ho to har baat ko samjhā na karo
lafz o manzar mein maani ko TaTola na karo
hosh wale ho to har baat ko samjha na karo
masāf-e-zīst meñ vo ran paḌā hai aaj ke din
na maiñ tumhārī tamannā huuñ aur na tum mere
masaf-e-zist mein wo ran paDa hai aaj ke din
na main tumhaari tamanna hun aur na tum mere
vo mire saath hai saa.e kī tarah
dil kī zid hai ki nazar bhī aa.e
wo mere sath hai sae ki tarah
dil ki zid hai ki nazar bhi aae
vo nahīñ hai na sahī tark-e-tamannā na karo
dil akelā hai ise aur akelā na karo
wo nahin hai na sahi tark-e-tamanna na karo
dil akela hai ise aur akela na karo
