جلانے والے جلاتے ہی ہیں چراغ آخر

یہ کیا کہا کہ ہوا تیز ہے زمانے کی

ہم محبت کا سبق بھول گئے

تیری آنکھوں نے پڑھایا کیا ہے

ہونے دو چراغاں محلوں میں کیا ہم کو اگر دیوالی ہے

مزدور ہیں ہم مزدور ہیں ہم مزدور کی دنیا کالی ہے

کسے خبر تھی کہ لے کر چراغ مصطفوی

جہاں میں آگ لگاتی پھرے گی بو لہبی

بہ قدر پیمانۂ تخیل سرور ہر دل میں ہے خودی کا

اگر نہ ہو یہ فریب پیہم تو دم نکل جائے آدمی کا

آیا یہ کون سایۂ زلف دراز میں

پیشانئ سحر کا اجالا لیے ہوئے

انہی حیرت زدہ آنکھوں سے دیکھے ہیں وہ آنسو بھی

جو اکثر دھوپ میں محنت کی پیشانی سے ڈھلتے ہیں

بتوں کو توڑ کے ایسا خدا بنانا کیا

بتوں کی طرح جو ہم شکل آدمی کا ہو

اے سجدہ فروش کوئے بتاں ہر سر کے لیے اک چوکھٹ ہے

یہ بھی کوئی شان عشق ہوئی جس در پے گئے سر پھوڑ لیا

نہیں افسوں ہی کو افسانے کی منزل معلوم

غلط آغاز کا ہوتا ہی ہے انجام غلط

ہستی ہے جدائی سے اس کی جب وصل ہوا تو کچھ بھی نہیں

دریا میں نہ تھا تو قطرہ تھا دریا میں ملا تو کچھ بھی نہیں