bastī ke hassās diloñ ko chubhtā hai

sannāTā jab saarī raat nahīñ hotā

basti ke hassas dilon ko chubhta hai

sannaTa jab sari raat nahin hota

har zaḳhm-e-kohnā vaqt ke marham ne bhar diyā

vo dard bhī miTā jo ḳhushī kī asaas thā

har zaKHm-e-kohna waqt ke marham ne bhar diya

wo dard bhi miTa jo KHushi ki asas tha

jin kā yaqīn rāh-e-sukūñ kī asaas hai

vo bhī gumān-e-dasht meñ mujh ko phañse lage

jin ka yaqin rah-e-sukun ki asas hai

wo bhi guman-e-dasht mein mujh ko phanse lage

paanī ne jise dhuup kī miTTī se banāyā

vo dā.era-e-rabt bigaḌne ke liye thā

pani ne jise dhup ki miTTi se banaya

wo daera-e-rabt bigaDne ke liye tha

ret par jalte hue dekh sarāboñ ke charāġh

apne bikhrāv meñ vo aur sañvar jaatā hai

ret par jalte hue dekh sarabon ke charagh

apne bikhraw mein wo aur sanwar jata hai