chheḌtī haiñ kabhī lab ko kabhī ruḳhsāroñ ko

tum ne zulfoñ ko bahut sar pe chaḌhā rakkhā hai

chheDti hain kabhi lab ko kabhi ruKHsaron ko

tum ne zulfon ko bahut sar pe chaDha rakkha hai

pareshānī se sar ke baal tak sab jhaḌ ga.e lekin

purānī jeb meñ kanghī jo pahle thī so ab bhī hai

pareshani se sar ke baal tak sab jhaD gae lekin

purani jeb mein kanghi jo pahle thi so ab bhi hai

zamāne kā chalan kyā pūchhte ho 'ḳhvāh-maḳhvāh' mujh se

vahī raftār be-Dhañgī jo pahle thī so ab bhī hai

zamane ka chalan kya puchhte ho 'KHwah-maKHwah' mujh se

wahi raftar be-Dhangi jo pahle thi so ab bhi hai

uḌā kar dekh le koī patangeñ apnī sheḳhī kī

bulandī par agar hoñ bhī to kanne kaaT saktā huuñ

uDa kar dekh le koi patangen apni sheKHi ki

bulandi par agar hon bhi to kanne kaT sakta hun

kisī kī nazar 'ḳhvāh-maḳhvāh' lag na jaa.e

buḌhāpe meñ lagte ho tum naujavāñ se

kisi ki nazar 'KHwah-maKHwah' lag na jae

buDhape mein lagte ho tum naujawan se

siyāsat-dāñ jo tab.ī maut marte

to sāzish kī zarūrat hī na hotī

siyasat-dan jo tabi maut marte

to sazish ki zarurat hi na hoti

byaah ke baare meñ pūchhā to nujūmī bolā

shāḳh se TuuT ke jhaḌne kā irāda kyā hai

byah ke bare mein puchha to nujumi bola

shaKH se TuT ke jhaDne ka irada kya hai

vasl kā lutf shab-e-hijr ke maare yuuñ leñ

niiñd aa jaa.e jo donoñ ko to ḳhvāboñ meñ mileñ

wasl ka lutf shab-e-hijr ke mare yun len

nind aa jae jo donon ko to KHwabon mein milen

aur agar chāhe ki ho 'ḳhvāh-maḳhvāh' shohrat terī

yūsufī gar nahīñ mumkin to zuleḳhā.ī kar

aur agar chahe ki ho 'KHwah-maKHwah' shohrat teri

yusufi gar nahin mumkin to zuleKHai kar

vā.iz-o-riñd agar shīr-o-shakar ho jaa.eñ

zā.iqe pand-o-nasīhat ke sharāboñ meñ mileñ

waiz-o-rind agar shir-o-shakar ho jaen

zaiqe pand-o-nasihat ke sharabon mein milen

ibādatoñ ke muāvze meñ milegī jo ābidoñ ko jannat

tum us kā naqsha kuchh aisā khīñcho ki dil phisal jaa.e aadmī kā

ibaadaton ke muawze mein milegi jo aabidon ko jannat

tum us ka naqsha kuchh aisa khincho ki dil phisal jae aadmi ka

isī ummīd pe maiḳhāne ke chakkar kaaTe

shāyad ab achchhe bhale log ḳharāboñ meñ mileñ

isi ummid pe maiKHane ke chakkar kaTe

shayad ab achchhe bhale log KHarabon mein milen

samajh le naam terā hī likhā hai daane daane par

kabhī mat soch me.ade ke liye achchhā burā kyā hai

samajh le nam tera hi likha hai dane dane par

kabhi mat soch meade ke liye achchha bura kya hai

agar aatā hameñ haq chhīn lenā

guzārish kī zarūrat hī na hotī

agar aata hamein haq chhin lena

guzarish ki zarurat hi na hoti

jeb ġhā.eb hai to nefā hai baTan ke badle

tum ne patlūn kā pājāma banā rakhā hai

jeb ghaeb hai to nefa hai baTan ke badle

tum ne patlun ka pajama bana rakha hai

gunāhgāroñ aur āsiyoñ ko azāb-e-dozaḳh se vā.izo tum

Darāo be-shak magar na itnā ki dil dahal jaa.e aadmī kā

gunahgaron aur aasiyon ko azab-e-dozaKH se waizo tum

Darao be-shak magar na itna ki dil dahal jae aadmi ka

jantā pe raaj kartī hai dākuoñ kī Tolī

vo bach ga.e junūñ se khelī thī ḳhuuñ kī holī

janta pe raj karti hai dakuon ki Toli

wo bach gae junun se kheli thi KHun ki holi

qarz-e-hasana le ke tum untīs tak

ghar ke kārobār kī bāteñ karo

qarz-e-hasana le ke tum untis tak

ghar ke karobar ki baaten karo

fazā-e-masmūm meñ saañs le kar koī jiyā bhī to kyā karegā

za.iif hone se qabl hī jab shabāb Dhal jaa.e aadmī kā

faza-e-masmum mein sans le kar koi jiya bhi to kya karega

zaif hone se qabl hi jab shabab Dhal jae aadmi ka

tere vīrān shab-o-roz bhī rañgīñ hoñge

bas kisī tarah hasīnoñ se shanāsā.ī kar

tere viran shab-o-roz bhi rangin honge

bas kisi tarah hasinon se shanasai kar

jhagaḌ kar jab kahā begam ne ham se ghar se jaane ko

bahut be-ābrū ho kar ḳhud apne ghar se ham nikle

jhagaD kar jab kaha begam ne hum se ghar se jaane ko

bahut be-abru ho kar KHud apne ghar se hum nikle

sab us ko uñgliyoñ pe nachāte rahe magar

tigunī kā naach vo bhī nachātī hai vaqt par

sab us ko ungliyon pe nachate rahe magar

tiguni ka nach wo bhi nachati hai waqt par

nā maiñ dūlhā huuñ nayā aur na na.ī dūlhan tum

donoñ būḌhe haiñ to kyoñ itne hijāboñ meñ mileñ

na main dulha hun naya aur na nai dulhan tum

donon buDhe hain to kyon itne hijabon mein milen

mizāh o tanz ke jab tiir baiTheñge nishāne par

jo dīvāne haiñ un kī aql aa.egī Thikāne par

mizah o tanz ke jab tir baiThenge nishane par

jo diwane hain un ki aql aaegi Thikane par

ham shā.iroñ ko dekho rahne ko ghar nahīñ hai

likhte haiñ shā.irī meñ saarā jahāñ hamārā

hum shairon ko dekho rahne ko ghar nahin hai

likhte hain shairi mein sara jahan hamara

kisī kī Dhal ga.ī kaisī javānī dekhte jaao

jo thiiñ begam vo haiñ bachchoñ kī naanī dekhte jaao

kisi ki Dhal gai kaisi jawani dekhte jao

jo thin begam wo hain bachchon ki nani dekhte jao

Tañgī hai jo mire hanger-numā kandhoñ pe mailī sī

mirī shādī kī hai ye shervānī dekhte jaao

Tangi hai jo mere hanger-numa kandhon pe maili si

meri shadi ki hai ye sherwani dekhte jao

pahle pahle shauhar ko har mausam bhīgā lagtā hai

yuuñ samjho billī ke bhāgoñ TuuTā chhīkā lagtā hai

pahle pahle shauhar ko har mausam bhiga lagta hai

yun samjho billi ke bhagon TuTa chhika lagta hai

kuchh samajh meñ hī nahīñ aatā ki āḳhir kyā karūñ

is buḌhāpe meñ bhī mujh par haiñ fidā kuchh gul-badan

kuchh samajh mein hi nahin aata ki aaKHir kya karun

is buDhape mein bhi mujh par hain fida kuchh gul-badan

mujhe khāne ke fauran baa'd hī phir bhuuk lagtī hai

koī to ye batā.e 'ḳhvāh-maḳhvāh' mujh ko huā kyā hai

mujhe khane ke fauran ba'd hi phir bhuk lagti hai

koi to ye batae 'KHwah-maKHwah' mujh ko hua kya hai

sirf pahlī hī ke din ai dosto

saaz aur jhankār kī bāteñ karo

sirf pahli hi ke din ai dosto

saz aur jhankar ki baaten karo