umr bhar milne nahīñ detī haiñ ab to ranjisheñ

vaqt ham se ruuTh jaane kī adā tak le gayā

umr bhar milne nahin deti hain ab to ranjishen

waqt hum se ruTh jaane ki ada tak le gaya

jinheñ tārīḳh bhī likhte Daregī

vo hañgāme yahāñ hone lage haiñ

jinhen tariKH bhi likhte Daregi

wo hangame yahan hone lage hain

bahut sī bāteñ zabāñ se kahī nahīñ jātīñ

savāl kar ke use dekhnā zarūrī hai

bahut si baaten zaban se kahi nahin jatin

sawal kar ke use dekhna zaruri hai

hamārī fat.h ke andāz duniyā se nirāle haiñ

ki parcham kī jagah neze pe apnā sar nikaltā hai

hamari fath ke andaz duniya se nirale hain

ki parcham ki jagah neze pe apna sar nikalta hai

mudda.ā iz.hār se khultā nahīñ hai

ye zabān-e-be-zabānī aur hai

muddaa izhaar se khulta nahin hai

ye zaban-e-be-zabani aur hai

kitāboñ se na dānish kī farāvānī se aayā hai

salīqa zindagī kā dil kī nādānī se aayā hai

kitabon se na danish ki farawani se aaya hai

saliqa zindagi ka dil ki nadani se aaya hai

ab kisī aur kā tum zikr na karnā mujh se

varna ik ḳhvāb jo āñkhoñ meñ hai mar jā.egā

ab kisi aur ka tum zikr na karna mujh se

warna ek KHwab jo aankhon mein hai mar jaega

hamīñ pe ḳhatm haiñ jaur-o-sitam zamāne ke

hamāre baad use kis kī aarzū hogī

hamin pe KHatm hain jaur-o-sitam zamane ke

hamare baad use kis ki aarzu hogi

sitāroñ kī tarah alfāz kī zau baḌhtī jaatī hai

ġhazal meñ husn us chehre kī tābānī se aayā hai

sitaron ki tarah alfaz ki zau baDhti jati hai

ghazal mein husn us chehre ki tabani se aaya hai

har ek aañkh meñ aañsū har ek lab pe fuġhāñ

ye ek shor-e-qayāmat sā kū-ba-kū kyā hai

har ek aankh mein aansu har ek lab pe fughan

ye ek shor-e-qayamat sa ku-ba-ku kya hai

jo tū nahīñ hai to lagtā hai ab ki tū kyā hai

tamām ālam-e-vahshat ye chaar sū kyā hai

jo tu nahin hai to lagta hai ab ki tu kya hai

tamam aalam-e-wahshat ye chaar su kya hai

'umr-bhar 'ahd-e-ta'alluq ke nigah-dār rahe

apne baare meñ koī ḳhvāb na dekhā ham ne

'umr-bhar 'ahd-e-ta'alluq ke nigah-dar rahe

apne bare mein koi KHwab na dekha hum ne