kitabon se na danish ki farawani se aaya hai
kitāboñ se na dānish kī farāvānī se aayā hai
salīqa zindagī kā dil kī nādānī se aayā hai
tum apne husn ke jalvoñ se kyuuñ sharmā.e jaate ho
ye ā.īna mirī āñkhoñ kī hairānī se aayā hai
ulajhnā ḳhud se rah rah kar nazar se guftugū karnā
ye andāz-e-suḳhan us ko nigahbānī se aayā hai
nadī hai mauj meñ apnī use is kī ḳhabar kyā hai
ki tishna-lab musāfir kis pareshānī se aayā hai
sitāroñ kī tarah alfāz kī zau baḌhtī jaatī hai
ġhazal meñ husn us chehre kī tābānī se aayā hai
kitabon se na danish ki farawani se aaya hai
saliqa zindagi ka dil ki nadani se aaya hai
tum apne husn ke jalwon se kyun sharmae jate ho
ye aaina meri aankhon ki hairani se aaya hai
ulajhna KHud se rah rah kar nazar se guftugu karna
ye andaz-e-suKHan us ko nigahbani se aaya hai
nadi hai mauj mein apni use is ki KHabar kya hai
ki tishna-lab musafir kis pareshani se aaya hai
sitaron ki tarah alfaz ki zau baDhti jati hai
ghazal mein husn us chehre ki tabani se aaya hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
