anhonī kuchh zarūr huī dil ke saath aaj

nādān thā magar ye divānā kabhī na thā

anhoni kuchh zarur hui dil ke sath aaj

nadan tha magar ye diwana kabhi na tha

har-dil-azīz vo bhī hai ham bhī haiñ ḳhush-mizāj

ab kyā batā.eñ kaise hamārī nahīñ banī

har-dil-aziz wo bhi hai hum bhi hain KHush-mizaj

ab kya bataen kaise hamari nahin bani

dar badar kī ḳhaak thī taqdīr meñ

ham liye kāñdhoñ pe ghar chalte rahe

dar badar ki KHak thi taqdir mein

hum liye kandhon pe ghar chalte rahe

ḳhud pe ye zulm gavārā nahīñ hogā ham se

ham to sho.aloñ se na guzreñge na siitā samjheñ

KHud pe ye zulm gawara nahin hoga hum se

hum to shoalon se na guzrenge na sita samjhen

apnī to koī baat banā.e nahīñ banī

kuchh ham na kah sake to kuchh us ne nahīñ sunī

apni to koi baat banae nahin bani

kuchh hum na kah sake to kuchh us ne nahin suni