تمہاری بزم بھی کیا بزم ہے آداب ہیں کیسے

وہی مقبول ہوتا ہے جو گستاخانہ آتا ہے

کہانی اپنی اپنی اہل محفل جب سناتے ہیں

مجھے بھی یاد اک بھولا ہوا افسانہ آتا ہے

زمیں پر ہیں وہ کچھ مٹی کے پتلے

کہ جن میں رفعتیں ہیں آسماں کی

مکمل داستاں کا اختصار اتنا ہی کافی ہے

سلایا شور دنیا نے جگایا شور محشر نے

زبان و دہن سے جو کھلتے نہیں ہیں

وہ کھل جاتے ہیں راز اکثر نظر سے

زندگی اک سوال ہے جس کا جواب موت ہے

موت بھی اک سوال ہے جس کا جواب کچھ نہیں

زمانہ کی کشاکش کا دیا پیہم پتہ مجھ کو

کہیں ٹوٹے ہوئے دل نے کہیں ٹوٹے ہوئے سر نے