abhī rail ke safar meñ haiñ bahut nihāl donoñ

kahīñ rog ban na jaa.e yahī saath do ghaḌī kā

abhi rail ke safar mein hain bahut nihaal donon

kahin rog ban na jae yahi sath do ghaDi ka

jis ko ham ne chāhā thā vo kahīñ nahīñ is manzar meñ

jis ne ham ko pyaar kiyā vo sāmne vaalī mūrat hai

jis ko hum ne chaha tha wo kahin nahin is manzar mein

jis ne hum ko pyar kiya wo samne wali murat hai

makīnoñ ke ta.alluq hī se yaad aatī hai har bastī

vagarna sirf bām-o-dar se ulfat kaun rakhtā hai

makinon ke talluq hi se yaad aati hai har basti

wagarna sirf baam-o-dar se ulfat kaun rakhta hai

muḳhtalif apnī kahānī hai zamāne bhar se

munfarid ham ġham-e-hālāt liye phirte haiñ

muKHtalif apni kahani hai zamane bhar se

munfarid hum gham-e-haalat liye phirte hain

ta.alluqāt meñ gahrā.iyāñ to achchhī haiñ

kisī se itnī magar qurbateñ bhī Thiik nahīñ

talluqat mein gahraiyan to achchhi hain

kisi se itni magar qurbaten bhi Thik nahin