احسن یوسف زئی کی شاعری

احسن یوسف زئی کے اشعار

نیند کو لوگ موت کہتے ہیں

خواب کا نام زندگی بھی ہے

برسات تھم چکی ہے مگر ہر شجر کے پاس

اتنا تو ہے کہ آپ کا دامن بھگو سکے

کاغذ کی ناؤ ہوں جسے تنکا ڈبو سکے

یوں بھی نہیں کہ آپ سے یہ بھی نہ ہو سکے

ہماری سانسیں ملی ہیں گن کے

نہ جانے کتنے بجے ہیں دن کے

سب کے آنگن جھانکنے والے ہم سے ہی کیوں بیر تجھے

کب تک تیرا رستہ دیکھیں ساری رات کے جاگے ہم

لٹیروں کے لیے سوتی ہیں آنکھیں

مگر ہم اپنے اندر جاگتے ہیں

روز و شب بیچ دیے ہیں میں نے

اس بلندی سے گراتا کیا ہے