یوم جمہوریت مبارک ہو
اے مرے پیارے دیش کے لوگو
اے مرے بھائیو مری بہنو
اے مرے ملک کے جواں مردو
میرے ہندوستان کے ویرو
جشن جمہوریت کے اوسر پر
ایک دوجے سے یہ کہو مل کر
جشن جمہوریت مبارک ہو
جشن جمہوریت مبارک ہو
آج کا دن بڑا مبارک ہے
آج کے دن کا احترام کرو
آج کے دن بنے تھے وہ قانون
جن سے آزادی بولنے کی ملی
جن سوتنترتا قلم کو ملی
لیکن اس کا نہیں تھا علم ہمیں
بھائی بھائی ہی ایک دوجے سے
دشمنوں کی زبان بولیں گے
ہے ابھی وقت کھول لو آنکھیں
اے مرے ملک کے جواں مردو
میرے ہندوستان کے ویرو
آج کا دن بڑا مبارک ہے
آج کے دن کا احترام کرو
آج کے دن بنا تھا جو قانون
اس کی مریادہ کو رکھو قائم
مل کے کھاؤ یہ آج پھر قسمیں
بھائی بھائی ہیں ایک دوجے کے
قوم و مذہب کی جنگ ختم کرو
گھنٹیاں مندروں میں بجنے دو
مسجدوں میں اذان ہونے دو
جشن جمہوریت کے اوسر پر
ایک دوجے سے یہ کہو مل کر
یوم جمہوریت مبارک ہو
جشن جمہوریت مبارک ہو
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
