yaum-e-jamhuriyat mubarak ho

ai mire pyāre desh ke logo

ai mire bhā.iyo mirī bahno

ai mire mulk ke javāñ mardo

mere hindostān ke viiro

jashn-e-jamhūriyat ke avsar par

ek duuje se ye kaho mil kar

jashn-e-jamhūriyat mubārak ho

jashn-e-jamhūriyat mubārak ho

aaj kā din baḌā mubārak hai

aaj ke din kā ehtirām karo

aaj ke din bane the vo qānūn

jin se āzādī bolne kī milī

jan-svatantrtā qalam ko milī

lekin is kā nahīñ thā 'ilm hameñ

bhaa.ī bhaa.ī hī ek duuje se

dushmanoñ kī zabān boleñge

hai abhī vaqt khol lo āñkheñ

ai mire mulk ke javāñ mardo

mere hindostān ke viiro

aaj kā din baḌā mubārak hai

aaj ke din kā ehtirām karo

aaj ke din banā thā jo qānūn

us kī mariyāda ko rakho qaa.em

mil ke khaao ye aaj phir qasmeñ

bhaa.ī bhaa.ī haiñ ek duuje ke

qaum-o-maz.hab kī jang ḳhatm karo

ghanTiyāñ mandiroñ meñ bajne do

masjidoñ meñ azaan hone do

jashn-e-jamhūriyat ke avsar par

ek duuje se ye kaho mil kar

yaum-e-jamhūriyat mubārak ho

jashn-e-jamhūriyat mubārak ho

ai mere pyare desh ke logo

ai mere bhaiyo meri bahno

ai mere mulk ke jawan mardo

mere hindostan ke wiro

jashn-e-jamhuriyat ke awsar par

ek duje se ye kaho mil kar

jashn-e-jamhuriyat mubarak ho

jashn-e-jamhuriyat mubarak ho

aaj ka din baDa mubarak hai

aaj ke din ka ehtiram karo

aaj ke din bane the wo qanun

jin se aazadi bolne ki mili

jan-swatantrta qalam ko mili

lekin is ka nahin tha 'ilm hamein

bhai bhai hi ek duje se

dushmanon ki zaban bolenge

hai abhi waqt khol lo aankhen

ai mere mulk ke jawan mardo

mere hindostan ke wiro

aaj ka din baDa mubarak hai

aaj ke din ka ehtiram karo

aaj ke din bana tha jo qanun

us ki mariyaada ko rakho qaem

mil ke khao ye aaj phir qasmen

bhai bhai hain ek duje ke

qaum-o-mazhab ki jang KHatm karo

ghanTiyan mandiron mein bajne do

masjidon mein azan hone do

jashn-e-jamhuriyat ke awsar par

ek duje se ye kaho mil kar

yaum-e-jamhuriyat mubarak ho

jashn-e-jamhuriyat mubarak ho