bila-unwan
ek mā'sūm sī bachchī kī hañsī
us ke khilte hue chehre kā kañval
naam kyā us kā rakhūñ
jaise tārīk fazāoñ meñ sitāra ho koī
jaise banjar sī zamīnoñ ke biich
'itr-e-qudrat se gulistāñ mahke
us kā 'unvān ho kyā
vo hañsī jis kā koī mol nahīñ
vo hañsī jis kā hasīñ-tar-chehra
maslahat kī kisī chādar se nahīñ hai āgāh
ek mā'sūm sī bachchī kī hañsī
us ke khilte hue chehre kā kañval
ek ma'sum si bachchi ki hansi
us ke khilte hue chehre ka kanwal
nam kya us ka rakhun
jaise tarik fazaon mein sitara ho koi
jaise banjar si zaminon ke bich
'itr-e-qudrat se gulistan mahke
us ka 'unwan ho kya
wo hansi jis ka koi mol nahin
wo hansi jis ka hasin-tar-chehra
maslahat ki kisi chadar se nahin hai aagah
ek ma'sum si bachchi ki hansi
us ke khilte hue chehre ka kanwal
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
