unch-nich
tū kahtā hai ro.uuñ nahīñ
achchhā maiñ ab nahīñ ro.ūñgī
ab kājal mehñdī aur gajroñ ke ḳhvāboñ meñ
maiñ apnā aap na kho.ūñgī
tū kahtā thā mere liye tū chāñdī ke baale lā.egā
chāñdī ke bāloñ kā chaav merā purānā chaav hai
lekin mujh ko in ḳhālī kānoñ kī qasam
maiñ ab tum se kuchh bhī na bolūñgī
yūñhī rahūñgī
rūkhī-sūkhī jo bhī milegī
khā.ūñgī aur shukr karūñgī
aaj magar is gahrī kaalī raat kī nauha paḌhtī tārīkī meñ
vo jo sāmne ūñchā ghar hai
us meñ kaisī raushniyoñ kā jashn bapā hai
tere mere ghar kā diyā kyuuñ bujhā paḌā hai
tu kahta hai roun nahin
achchha main ab nahin roungi
ab kajal mehndi aur gajron ke KHwabon mein
main apna aap na khoungi
tu kahta tha mere liye tu chandi ke baale laega
chandi ke baalon ka chaw mera purana chaw hai
lekin mujh ko in KHali kanon ki qasam
main ab tum se kuchh bhi na bolungi
yunhi rahungi
rukhi-sukhi jo bhi milegi
khaungi aur shukr karungi
aaj magar is gahri kali raat ki nauha paDhti tariki mein
wo jo samne uncha ghar hai
us mein kaisi raushniyon ka jashn bapa hai
tere mere ghar ka diya kyun bujha paDa hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
