naya pahlu

kapkapāte haath pahlī baar sho'loñ kī taraf lapke tapish mahsūs kī

aag ThanDī paḌ ga.ī to uñgliyāñ jalne lagīñ dil ne ḳhalish mahsūs kī

dhaḌkanoñ kā shor itne zor kā thā soch kī rāhoñ meñ haa.el ho gayā

rāh-rau samjhe thakā haarā musāfir thā milā saaya to paḌ kar so gayā

saare raste āzmā.e jo palaT kar phir na aa.e aisī rah koī na thī

bāheñ phailā.e hue un fāsloñ ko jo miTā.e aisī rah koī na thī

aarzū ne hasratoñ ke jis qadar motī chune the āñsuoñ meñ bah gaye

jāgtī āñkhoñ ke sapne vaqt kī raftār ke mohtāj ho kar rah gaye

ḳhud-pasandī ḳhud-farāmoshī banī thī apnā ye pahlū abhī dekhā na thā

hādse dekhe sune par dil ko yuuñ rote hue pahle kabhī dekhā na thā

pūchhne vāloñ ne pūchhā kyā huā

ab to apne paas kahne ko rahā kuchh bhī nahīñ

kapkapate hath pahli bar sho'lon ki taraf lapke tapish mahsus ki

aag ThanDi paD gai to ungliyan jalne lagin dil ne KHalish mahsus ki

dhaDkanon ka shor itne zor ka tha soch ki rahon mein hael ho gaya

rah-rau samjhe thaka haara musafir tha mila saya to paD kar so gaya

sare raste aazmae jo palaT kar phir na aae aisi rah koi na thi

bahen phailae hue un faslon ko jo miTae aisi rah koi na thi

aarzu ne hasraton ke jis qadar moti chune the aansuon mein bah gaye

jagti aankhon ke sapne waqt ki raftar ke mohtaj ho kar rah gaye

KHud-pasandi KHud-faramoshi bani thi apna ye pahlu abhi dekha na tha

hadse dekhe sune par dil ko yun rote hue pahle kabhi dekha na tha

puchhne walon ne puchha kya hua

ab to apne pas kahne ko raha kuchh bhi nahin