jangal

raushniyāñ

rang kī lahroñ pe ravāñ

raqs-kunāñ

sāz-o-āvāz kā raqs

mastī-o-nāz kā raqs

ye fusūñ-kārī andāz-o-adā

ye ḳham-o-pech kā lahrātā ḳharosh

dā.ere buntī huī mauj-e-badan

tīr-andāz kamānoñ kī lachak

gol uThānoñ kī lachak

har qadam chāñd kī shāḳhoñ kā jhukāv

āsmāñ aur zamīñ milte hue

ḳhat-e-ufuq ek lachak

badliyāñ lahrātī huī

marmarī narm Dhalānoñ kā bahāv

saaz kī lahr pe uThtā huā be-kal tūfāñ

larzāñ pechāñ

jhūmte jhukte sañbhalte hue ashjār kī naav

bādbāñ uḌte hue khulte hue

seb hilte hue Takrāte hue

nadiyāñ pighlī huiiñ

sarsarāte hue jangal kī mahak

saañp phunkārte bal khāte hue

raushniyan

rang ki lahron pe rawan

raqs-kunan

saz-o-awaz ka raqs

masti-o-naz ka raqs

ye fusun-kari andaz-o-ada

ye KHam-o-pech ka lahraata KHarosh

daere bunti hui mauj-e-badan

tir-andaz kamanon ki lachak

gol uThanon ki lachak

har qadam chand ki shaKHon ka jhukaw

aasman aur zamin milte hue

KHat-e-ufuq ek lachak

badliyan lahraati hui

marmari narm Dhalanon ka bahaw

saz ki lahr pe uThta hua be-kal tufan

larzan pechan

jhumte jhukte sanbhalte hue ashjar ki naw

baadban uDte hue khulte hue

seb hilte hue Takraate hue

nadiyan pighli huin

sarsaraate hue jangal ki mahak

sanp phunkarte bal khate hue