Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

ابھی تک تیری تلاش میں ہوں

غلام عباس ساغر

ابھی تک تیری تلاش میں ہوں

غلام عباس ساغر

MORE BYغلام عباس ساغر

    ابھی تک تیری تلاش میں ہوں

    حالانکہ مجھے معلوم ہے

    کہ اب زمین کے کسی راستے پر

    تیرا سایہ نہیں گرتا

    کہ اب کسی موڑ پر

    تیری ہنسی میرا نام نہیں لیتی

    پھر بھی

    ہر اجنبی چہرے میں

    تیری آنکھیں ڈھونڈ لیتا ہوں

    ہر خاموشی میں

    تیری آواز سننے کی کوشش کرتا ہوں

    اور ہر رات

    نیند کے دروازے پر

    تیرا نام رکھ کر دستک دیتا ہوں

    ابھی تک تیری تلاش میں ہوں

    قبروں کے اس پار

    خوابوں کی دھند میں

    یادوں کے ان کمروں میں

    جہاں وقت رک سا گیا ہے

    اور تو اب بھی وہیں بیٹھی ہے

    جیسے کبھی گئی ہی نہ ہو

    لوگ کہتے ہیں

    مرنے والے لوٹ کر نہیں آتے

    مگر وہ نہیں جانتے

    کہ کچھ لوگ

    جسم چھوڑ جاتے ہیں

    مگر روح

    کسی کے دل میں

    ہمیشہ زندہ رہتی ہے

    میں تجھے ڈھونڈتا ہوں

    اس ہوا میں

    جو اچانک دل کو چھو جائے

    اس آنسو میں

    جو بنا وجہ بہہ نکلے

    اس دعا میں

    جو زبان تک آئے

    اور مکمل ہونے سے پہلے ٹوٹ جائے

    ابھی تک تیری تلاش میں ہوں

    کیونکہ تو میرے ماضی کا قصہ نہیں

    تو میرے حال کی کمی ہے

    اور میرے مستقبل کی وہ خاموشی

    جس کا کوئی متبادل نہیں

    اگر کبھی

    کہیں کسی اور جہان میں

    میری یہ تلاش تجھ تک پہنچے

    تو بس اتنا جان لینا

    میں نے تجھے کھویا نہیں

    میں آج بھی

    ابھی تک تیری تلاش میں ہوں

    Additional information available

    Click on the INTERESTING button to view additional information associated with this sher.

    OKAY

    About this sher

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Click on any word to get its meaning

    Jashn-e-Rekhta 11th Edition | 29-30-31 Jan, 2027 Buy Tickets

    بولیے