midhat se mahak uThte the gulzar-e-madina

mid.hat se mahak uThte the gulzār-e-madīna

makke se nazar aate the āsār-e-madīna

chaltā hai to phir pīchhe palaT kar nahīñ taktā

uḌtā hī chalā jaatā hai rahvār-e-madīna

ḳhud apne kamālāt se mas.hūr hai hijrat

ik markazī kirdār hai kirdār-e-madīna

ansār hue kaisī sa'ādat se sar-afrāz

kaunain kā sardār hai sardār-e-madīna

duniyā meñ masīl un kā koī aur nahīñ hai

duniyā meñ nazīr apnī haiñ ansār-e-madīna

zaa.ir ko 'atā karte haiñ ḳhud izn-e-huzūrī

mehmānoñ se ḳhud milte haiñ sarkār-e-madīna

duniyā meñ 'ilāj us kā kahīñ aur nahīñ hai

rahtā hai madīne meñ hī bīmār-e-madīna

jo chāhe ḳharīdo yahāñ tā'at ke 'evaz tum

din raat khulā rahtā hai bāzār-e-madīna

makke se nikalnā paḌā kis hāl-e-zabūñ meñ

dāḳhil hue kis shaan se sālār-e-madīna

midhat se mahak uThte the gulzar-e-madina

makke se nazar aate the aasar-e-madina

chalta hai to phir pichhe palaT kar nahin takta

uDta hi chala jata hai rahwar-e-madina

KHud apne kamalat se mashur hai hijrat

ek markazi kirdar hai kirdar-e-madina

ansar hue kaisi sa'adat se sar-afraaz

kaunain ka sardar hai sardar-e-madina

duniya mein masil un ka koi aur nahin hai

duniya mein nazir apni hain ansar-e-madina

zair ko 'ata karte hain KHud izn-e-huzuri

mehmanon se KHud milte hain sarkar-e-madina

duniya mein 'ilaj us ka kahin aur nahin hai

rahta hai madine mein hi bimar-e-madina

jo chahe KHarido yahan ta'at ke 'ewaz tum

din raat khula rahta hai bazar-e-madina

makke se nikalna paDa kis haal-e-zabun mein

daKHil hue kis shan se salar-e-madina