unki KHatir jiyun unki KHatir marun mujhko is ke siwa kuchh nahin chahiye

un kī ḳhātir jiyūñ un kī ḳhātir marūñ mujh ko is ke sivā kuchh nahīñ chāhiye

āḳhrī saañs tak naam un kā japūñ mujh ko is ke sivā kuchh nahīñ chāhiye

be-qarārī kī har chaal nākām hai kyā batā.ūñ mujhe kitnā ārām hai

aap kī yaad hai mere dil kā sukūñ mujh ko is ke sivā kuchh nahīñ chāhiye

ahl-e-duniyā jo kahte haiñ kahte raheñ ta'n-o-tashnī’ karte haiñ karte raheñ

jaisā vo chāhte haiñ maiñ vaisā banūñ mujh ko is ke sivā kuchh nahīñ chāhiye

ḳhāk-e-nām-o-numūd-o-numā.ish mire paaoñ ko gard-ālūd karne na paa.e

sirf un ke liye hī maiñ nā'teñ kahūñ mujh ko is ke sivā kuchh nahīñ chāhiye

kis liye nām-o-rutbe kī ḳhvāhish karūñ kyuuñ maiñ apnī tabāhī ke pīchhe paḌūñ

kyā ye kam hai ki maiñ un kī ummat meñ huuñ mujh ko is ke sivā kuchh nahīñ chāhiye

un kī mad.h-o-sanā meñ guzartī rahe zindagī kā asāsa Thikāne lage

hashr meñ surḳh-rūī kā sāmāñ karūñ mujh ko is ke sivā kuchh nahīñ chāhiye

maut ke baa'd jo sā’at-e-dīd hai dar-haqīqat vo mere liye 'iid hai

shauq-e-dīdār ho lamha lamha fuzūñ mujh ko is ke sivā kuchh nahīñ chāhiye

qabr yā hashr yā vaqt-e-mīzān ho hauz-e-kausar ho yā manzil-e-pul-sirāt

har jagah aap ke zer-e-sāya rahūñ mujh ko is ke sivā kuchh nahīñ chāhiye

hai darīda libās-e-taḳhayyul agar to ye ġham kī 'alāmat nahīñ hai 'sahar'

yād-e-jānāñ kī suuī se is ko siyūñ mujh ko is ke sivā kuchh nahīñ chāhiye

un ki KHatir jiyun un ki KHatir marun mujh ko is ke siwa kuchh nahin chahiye

aaKHri sans tak nam un ka japun mujh ko is ke siwa kuchh nahin chahiye

be-qarari ki har chaal nakaam hai kya bataun mujhe kitna aaram hai

aap ki yaad hai mere dil ka sukun mujh ko is ke siwa kuchh nahin chahiye

ahl-e-duniya jo kahte hain kahte rahen ta'n-o-tashni’ karte hain karte rahen

jaisa wo chahte hain main waisa banun mujh ko is ke siwa kuchh nahin chahiye

KHak-e-nam-o-numud-o-numaish mere paon ko gard-alud karne na pae

sirf un ke liye hi main na'ten kahun mujh ko is ke siwa kuchh nahin chahiye

kis liye nam-o-rutbe ki KHwahish karun kyun main apni tabahi ke pichhe paDun

kya ye kam hai ki main un ki ummat mein hun mujh ko is ke siwa kuchh nahin chahiye

un ki madh-o-sana mein guzarti rahe zindagi ka asasa Thikane lage

hashr mein surKH-rui ka saman karun mujh ko is ke siwa kuchh nahin chahiye

maut ke ba'd jo sa’at-e-did hai dar-haqiqat wo mere liye 'id hai

shauq-e-didar ho lamha lamha fuzun mujh ko is ke siwa kuchh nahin chahiye

qabr ya hashr ya waqt-e-mizan ho hauz-e-kausar ho ya manzil-e-pul-siraat

har jagah aap ke zer-e-saya rahun mujh ko is ke siwa kuchh nahin chahiye

hai darida libas-e-taKHayyul agar to ye gham ki 'alamat nahin hai 'sahar'

yaad-e-jaanan ki sui se is ko siyun mujh ko is ke siwa kuchh nahin chahiye