har taraf dhum unki machi hai har taraf zikr-e-sall-e-ala hai

har taraf dhuum un kī machī hai har taraf zikr-e-salle-'alā hai

kaun parde se aayā hai bāhar nuur kis kā ye phailā huā hai

shaan jis kī ḳhudā ne baḌhā.ī 'arsh par jis kī masnad sajā.ī

jis ke hāthoñ meñ saarī ḳhudā.ī vo nabī aaj paidā huā hai

hūr-o-ġhilmāñ ne naġhme sunā.e chāñd tāroñ ne bhī giit gaaye

le ke paiġhām jibrīl aa.e aaj mahbūb-e-rab aa gayā hai

kis ke jalvoñ se 'ālam hai raushan kis kī nik.hat se mahkā hai gulshan

kis kī ḳhushbū basī hai guloñ meñ nuur kis kā chaman ko milā hai

marhabā marhabā ke ye nā're aaj 'āshiq lagā.eñge saare

jagmagā kar ye kahte haiñ taare jān-o-dil mustafā par fidā hai

dast-basta farishte khaḌe haiñ lab pe aamad ke naġhme saje haiñ

be-kasoñ kī himāyat kī ḳhātir aaj shāh-e-'arab aa rahā hai

jis ko kahte haiñ vahdat kā darpan husn jis kā hai 'ālam meñ raushan

us ke talvoñ kā mil jaa.e dhovan saarī ummat kā jo peshvā hai

āsmānoñ kī 'azmat baḌhā kar sar pe tāj-e-shafā'at sajā kar

vasl-o-furqat ke parde uThā kar kaun qasr-e-danā tak gayā hai

shān-e-vahdat kā paiġhām 'shākir' ham ko detā hai qur.ān 'shākir'

ahl-e-ulfat ko īmān 'shākir' mustafā kī badaulat milā hai

har taraf dhum un ki machi hai har taraf zikr-e-salle-'ala hai

kaun parde se aaya hai bahar nur kis ka ye phaila hua hai

shan jis ki KHuda ne baDhai 'arsh par jis ki masnad sajai

jis ke hathon mein sari KHudai wo nabi aaj paida hua hai

hur-o-ghilman ne naghme sunae chand taron ne bhi git gaye

le ke paigham jibril aae aaj mahbub-e-rab aa gaya hai

kis ke jalwon se 'alam hai raushan kis ki nikhat se mahka hai gulshan

kis ki KHushbu basi hai gulon mein nur kis ka chaman ko mila hai

marhaba marhaba ke ye na're aaj 'ashiq lagaenge sare

jagmaga kar ye kahte hain tare jaan-o-dil mustafa par fida hai

dast-basta farishte khaDe hain lab pe aamad ke naghme saje hain

be-kason ki himayat ki KHatir aaj shah-e-'arab aa raha hai

jis ko kahte hain wahdat ka darpan husn jis ka hai 'alam mein raushan

us ke talwon ka mil jae dhowan sari ummat ka jo peshwa hai

aasmanon ki 'azmat baDha kar sar pe taj-e-shafa'at saja kar

wasl-o-furqat ke parde uTha kar kaun qasr-e-dana tak gaya hai

shan-e-wahdat ka paigham 'shakir' hum ko deta hai quran 'shakir'

ahl-e-ulfat ko iman 'shakir' mustafa ki badaulat mila hai