گھر داماد کی مشکلیں

جانا تھا سسرال سے مشکل رہنے میں رسوائی تھی

ہم نے تیرے جہاں میں مولا کیسی قسمت پائی تھی

ساس سسر کی خدمت میں ہمیں سارا دن لگ جاتا تھا

پھر بھی ہم کو بیوی نے ہر بات پہ ڈانٹ پلائی تھی

ہم ہی تھے تقدیر کے مارے جو اس گھر میں بیاہے گئے

ورنہ بہت سے دامادوں کی لاٹری بھی نکل آئی تھی

اب روتے ہیں اس دن کو جب ہاں کہہ کر مسکائے تھے

کیا معلوم تھا اس مسکان سے ہم نے غلامی پائی تھی

بن گئے گھر داماد تو پھر بھلا کون ہمیں عزت دیتا

ساس پٹائی کر کے گئی تو سسر نے ڈانٹ پلائی تھی

عزت نفس کا سودا کر کے خون کے گھونٹ پئے ہر دم

بھیگی بلی بن کر ہم نے اپنی عمر بتائی تھی