یہ دل کا درد مرے گر مزید ہو جائے

یہ دل کا درد مرے گر مزید ہو جائے

مرے وجود کی پھر مجھ کو دید ہو جائے

خدا کرے تجھے بے چینیاں میسر ہوں

تجھے بھی عشق کسی سے شدید ہو جائے

اگر دکھاوا محبت کا کر رہا ہے وہ

تو اس کو چاہیے مجھ سے بعید ہو جائے

کوئی بھی شخص اگر تم سے گفتگو کر لے

قسم خدا کی تمہارا مرید ہو جائے

جو حق پرست اگر ہے تو جاں لٹائے یہاں

کٹا کے سر کو یقیناً شہید ہو جائے

گناہ عشق میں شامل اگر کرے روبیؔ

پھر ایسے شخص کی مٹی پلید ہو جائے