ye dil ka dard mere gar mazid ho jae

ye dil kā dard mire gar mazīd ho jaa.e

mire vujūd kī phir mujh ko diid ho jaa.e

ḳhudā kare tujhe be-chainiyāñ mayassar huuñ

tujhe bhī 'ishq kisī se shadīd ho jaa.e

agar dikhāvā mohabbat kā kar rahā hai vo

to us ko chāhiye mujh se ba'īd ho jaa.e

koī bhī shaḳhs agar tum se guftugū kar le

qasam ḳhudā kī tumhārā murīd ho jaa.e

jo haq-parast agar hai to jaañ luTā.e yahāñ

kaTā ke sar ko yaqīnan shahīd ho jaa.e

gunāh 'ishq meñ shāmil agar kare 'rūbī'

phir aise shaḳhs kī miTTī palīd ho jaa.e

ye dil ka dard mere gar mazid ho jae

mere wujud ki phir mujh ko did ho jae

KHuda kare tujhe be-chainiyan mayassar hun

tujhe bhi 'ishq kisi se shadid ho jae

agar dikhawa mohabbat ka kar raha hai wo

to us ko chahiye mujh se ba'id ho jae

koi bhi shaKHs agar tum se guftugu kar le

qasam KHuda ki tumhaara murid ho jae

jo haq-parast agar hai to jaan luTae yahan

kaTa ke sar ko yaqinan shahid ho jae

gunah 'ishq mein shamil agar kare 'rubi'

phir aise shaKHs ki miTTi palid ho jae