مری آہ کو کچھ اثر چاہیئے
مری آہ کو کچھ اثر چاہیئے
مجھے آپ کی اک نظر چاہیے
جنہیں زندگی میں نے کی ہے عطا
سنا ہے انہیں میرا سر چاہیے
ہو آسان رستہ تو پھر کیا مزہ
مجھے اک رہ پر خطر چاہیے
فقط تیرے وعدے سے ہوتا ہے کیا
ہمیں سر چھپانے کو گھر چاہیے
کرو اپنی ہمت کو دو چند تم
اگر نجم و شمس و قمر چاہیے
ضرورت تجھے میری ہو یا نہ ہو
ترا ساتھ مجھ کو مگر چاہیے
مبارک تمہیں ہو روش غیر کی
مجھے شمسؔ اپنی ڈگر چاہیے
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
Click on any word to get its meaning
