تمہیں پہ آسرا رکھا ہوا ہے
تمہیں پہ آسرا رکھا ہوا ہے
ہواؤں میں دیا رکھا ہوا ہے
جہاں پر دل تھا پہلے اب وہاں پر
عجب اک بوجھ سا رکھا ہوا ہے
ہمارے گھر میں دیواریں کھڑی ہیں
مگر اک راستہ رکھا ہوا ہے
تعلق جڑ پکڑتا جا رہا ہے
بظاہر فاصلہ رکھا ہوا ہے
کناروں پر کھڑے ہم سوچتے ہیں
ہمیں کس نے جدا رکھا ہوا ہے
ابھی تک اپنے قدموں پر کھڑا ہوں
ابھی تک حوصلہ رکھا ہوا ہے
ہماری جیب میں کچھ بھی نہیں ہے
فقط نام خدا رکھا ہوا ہے
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
Click on any word to get its meaning
