tumhin pe aasra rakkha hua hai
tumhīñ pe aasrā rakkhā huā hai
havāoñ meñ diyā rakkhā huā hai
jahāñ par dil thā pahle ab vahāñ par
'ajab ik bojh sā rakkhā huā hai
hamāre ghar meñ dīvāreñ khaḌī haiñ
magar ik rāsta rakkhā huā hai
ta'alluq jaḌ pakaḌtā jā rahā hai
ba-zāhir fāsla rakkhā huā hai
kināroñ par khaḌe ham sochte haiñ
hameñ kis ne judā rakkhā huā hai
abhī tak apne qadmoñ par khaḌā huuñ
abhī tak hausla rakkhā huā hai
hamārī jeb meñ kuchh bhī nahīñ hai
faqat nām-e-ḳhudā rakkhā huā hai
tumhin pe aasra rakkha hua hai
hawaon mein diya rakkha hua hai
jahan par dil tha pahle ab wahan par
'ajab ek bojh sa rakkha hua hai
hamare ghar mein diwaren khaDi hain
magar ek rasta rakkha hua hai
ta'alluq jaD pakaDta ja raha hai
ba-zahir fasla rakkha hua hai
kinaron par khaDe hum sochte hain
hamein kis ne juda rakkha hua hai
abhi tak apne qadmon par khaDa hun
abhi tak hausla rakkha hua hai
hamari jeb mein kuchh bhi nahin hai
faqat nam-e-KHuda rakkha hua hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
