لبوں پہ جھوٹ موٹ کی ہنسی سجا کے دیکھ لو
لبوں پہ جھوٹ موٹ کی ہنسی سجا کے دیکھ لو
ستارے چھپ گئے ہیں تو دئے جلا کے دیکھ لو
بہار کا نہیں نشاں اگر چمن میں ہے خزاں
سجاؤ بزم دوستاں فضا بنا کے دیکھ لو
وہ لوگ جو بچھڑ گئے پلٹ کے پھر نہ آ سکے
تو جاؤ ان کو ڈھونڈ لو گلے لگا کے دیکھ لو
بہت سے روگ وہ بھی ہیں دوائیں جن کا حل نہیں
خفا جو تم سے ہو گئے انہیں منا کے دیکھ لو
سنو جو دل پہ بوجھ ہے اتار دو کسی طرح
رکے ہوئے جو اشک ہیں انہیں بہا کے دیکھ لو
خوشی کی آرزو ہے تو انا کا خول توڑ دو
جو فاصلے ہیں بیچ میں انہیں مٹا کے دیکھ لو
جو چین مل نہیں رہا جو نیند آ نہیں رہی
بغل میں سو رہا ہے جو اسے جگا کے دیکھ لو
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
Click on any word to get its meaning
