rabt sa ek rabt hai taswir se taswir ka

rabt sā ik rabt hai tasvīr se tasvīr kā

ye kisī kī yaad hai yā silsila zanjīr kā

ḳhvāb se tā'bīr tak sau marhale haiñ darmiyāñ

ḳhvāb dekhe jā tasavvur bhī na kar tā'bīr kā

dekhne vaale jo hai pesh-e-nazar us par na jā

dūsrā ruḳh bhī to hotā hai kisī tasvīr kā

aur kyā āḳhir kisī ke haath meñ paḌhte haiñ log

haath kī tahrīr ā.īna hai kis tahrīr kā

ghar to luTte bhī haiñ lekin dil kā ghar aisā luTā

shā.iba tak bhī na chhūTā hasrat-e-tā'mīr kā

ek jānib haiñ mashīneñ dūsrī jānib haiñ dil

mas.ala uljhā huā hai she'r kī tafsīr kā

kaT ga.ī zanjīr lekin ġhaur se dekhe koī

tauq ban kar rah gayā halqa usī zanjīr kā

rabt sa ek rabt hai taswir se taswir ka

ye kisi ki yaad hai ya silsila zanjir ka

KHwab se ta'bir tak sau marhale hain darmiyan

KHwab dekhe ja tasawwur bhi na kar ta'bir ka

dekhne wale jo hai pesh-e-nazar us par na ja

dusra ruKH bhi to hota hai kisi taswir ka

aur kya aaKHir kisi ke hath mein paDhte hain log

hath ki tahrir aaina hai kis tahrir ka

ghar to luTte bhi hain lekin dil ka ghar aisa luTa

shaiba tak bhi na chhuTa hasrat-e-ta'mir ka

ek jaanib hain mashinen dusri jaanib hain dil

masala uljha hua hai she'r ki tafsir ka

kaT gai zanjir lekin ghaur se dekhe koi

tauq ban kar rah gaya halqa usi zanjir ka