uske lahje mein ajab zahr nihan hota hai
us ke lahje meñ 'ajab zahr nihāñ hotā hai
baat kartā hai to Dasne kā gumāñ hotā hai
ek do din kā tamāshā hai ye dariyā-fahmī
Dūbne vaalā sar-e-āb-e-ravāñ hotā hai
ab mire shahr kī galiyoñ kā ḳhudā hī hāfiz
jis jagah aag nahīñ hotī dhuāñ hotā hai
sar-phirā mujh se bhī baḌh kar hai ye āvāra-pan
kaun hotā hai jo pūchhe ki kahāñ hotā hai
laakh bāloñ pe gire barf bhale 'umr Dhale
jazbe zinda hoñ to insān javāñ hotā hai
ḳhud-ġharaz log jahāñ rahte hoñ 'nahrīr' miyāñ
ham use ghar nahīñ kahte vo makāñ hotā hai
us ke lahje mein 'ajab zahr nihan hota hai
baat karta hai to Dasne ka guman hota hai
ek do din ka tamasha hai ye dariya-fahmi
Dubne wala sar-e-ab-e-rawan hota hai
ab mere shahr ki galiyon ka KHuda hi hafiz
jis jagah aag nahin hoti dhuan hota hai
sar-phira mujh se bhi baDh kar hai ye aawara-pan
kaun hota hai jo puchhe ki kahan hota hai
lakh baalon pe gire barf bhale 'umr Dhale
jazbe zinda hon to insan jawan hota hai
KHud-gharaz log jahan rahte hon 'nahrir' miyan
hum use ghar nahin kahte wo makan hota hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
