kahne wale tere aariz ko kanwal kahte hain

kahne vaale tire 'āriz ko kañval kahte haiñ

ham use dekh ke nazroñ meñ ġhazal kahte haiñ

apne ham-rāh liye jaate haiñ marne vaale

ek hī chiiz jise fard-e-'amal kahte haiñ

jis ko apnā na kahā 'umr bhar us ke na hue

aap jo baat bhī kahte haiñ aTal kahte haiñ

hazrat-e-shaiḳh masā.il se to vāqif haiñ magar

vahī ġhā.eb hai jise zauq-e-'amal kahte haiñ

jis kā mamnūn-e-karam amn-o-amāñ hotā hai

ham hiqārat se use jang-o-jadal kahte haiñ

yād-e-mahbūb agar shakl meñ Dhal jaatī hai

dekhne vaale use tāj-mahal kahte haiñ

aap keh diije harīfān-e-suḳhan se ye 'adīl'

jo suḳhnavar haiñ vo is tarh ġhazal kahte haiñ

kahne wale tere 'ariz ko kanwal kahte hain

hum use dekh ke nazron mein ghazal kahte hain

apne ham-rah liye jate hain marne wale

ek hi chiz jise fard-e-'amal kahte hain

jis ko apna na kaha 'umr bhar us ke na hue

aap jo baat bhi kahte hain aTal kahte hain

hazrat-e-shaiKH masail se to waqif hain magar

wahi ghaeb hai jise zauq-e-'amal kahte hain

jis ka mamnun-e-karam amn-o-aman hota hai

hum hiqarat se use jang-o-jadal kahte hain

yaad-e-mahbub agar shakl mein Dhal jati hai

dekhne wale use taj-mahal kahte hain

aap keh dije harifan-e-suKHan se ye 'adil'

jo suKHnawar hain wo is tarh ghazal kahte hain