تو اب مجھ سے کنارا کر لیا ہے
تو اب مجھ سے کنارا کر لیا ہے
چلو یہ تم نے اچھا کر لیا ہے
محبت کا زمانہ دیکھنے کو
زمانے بھر سے جھگڑا کر لیا ہے
جفا اس چاند پر جچتی نہیں ہے
سو ہم نے خود کو میلا کر لیا ہے
تو اب یہ رات بھی تنہا کٹے گی
ستاروں سے بھی جھگڑا کر لیا ہے
محبت کی ہے پر اس کے علاوہ
نہ جانے اور کیا کیا کر لیا ہے
تو اب طے ہے مرا برباد ہونا
کہ پھر تجھ پر بھروسہ کر لیا ہے
کچھ ایسے پل رہے ہیں پیٹ اپنے
غریبی کو تماشہ کر لیا ہے
کسی کی یاد میں تنہا شجر نے
بھری شاخوں کو سونا کر لیا ہے
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
Click on any word to get its meaning
