hum ko hasrat hi rahi koi hamara hota

ham ko hasrat hī rahī koī hamārā hotā

kuchh to tanhā.ī kī rātoñ kā sahārā hotā

dil ye hotā na kisī kā to tumhārā hotā

'ishq shāyad jo kabhī ham ko dubāra hotā

dil ne dekhā hī nahīñ aur kisī kī jānib

varna is daur meñ koī to hamārā hotā

gar na aate tirī āvāz pe shikva kartā

tū ne ik baar mohabbat se pukārā hotā

tum likhe jaate hamāre bhī nasīboñ meñ kabhī

TuuTā gar koī muqaddar kā sitāra hotā

mujh ko darkār nahīñ saare jahāñ kī daulat

mujh ko bas terī mohabbat kā sahārā hotā

dil se utrī hai kuchh is tarh ye duniyā 'almās'

mar hī jaate ham ajal kā jo ishāra hotā

hum ko hasrat hi rahi koi hamara hota

kuchh to tanhai ki raaton ka sahaara hota

dil ye hota na kisi ka to tumhaara hota

'ishq shayad jo kabhi hum ko dubara hota

dil ne dekha hi nahin aur kisi ki jaanib

warna is daur mein koi to hamara hota

gar na aate teri aawaz pe shikwa karta

tu ne ek bar mohabbat se pukara hota

tum likhe jate hamare bhi nasibon mein kabhi

TuTa gar koi muqaddar ka sitara hota

mujh ko darkar nahin sare jahan ki daulat

mujh ko bas teri mohabbat ka sahaara hota

dil se utri hai kuchh is tarh ye duniya 'almas'

mar hi jate hum ajal ka jo ishaara hota