shab-e-gham kya karen kaise guzaren

shab-e-ġham kyā kareñ kaise guzāreñ

kise āvāz deñ kis ko pukāreñ

sar-e-bām-e-tamannā kuchh nahīñ hai

kise āñkhoñ se is dil meñ utāreñ

vahī mub.ham sī sargoshī havā kī

vahī afsurda sham'oñ kī qatāreñ

vahī dhuñdle se nanhe nanhe saa.e

vahī suunī sisaktī rah-guzāreñ

kahāñ tak yaad ġham-ḳhvārī karegī

kahāñ tak zulf-e-tanhā.ī sañvāreñ

sivā.e is ke ab chāra hī kyā hai

ḳhalā meñ ik nayā chehra ubhāreñ

uTho nīñdoñ se āñkhoñ ko jalā.eñ

chalo ḳhvāboñ kī pariyoñ ko pukāreñ

shab-e-gham kya karen kaise guzaren

kise aawaz den kis ko pukaren

sar-e-baam-e-tamanna kuchh nahin hai

kise aankhon se is dil mein utaren

wahi mubham si sargoshi hawa ki

wahi afsurda sham'on ki qataren

wahi dhundle se nanhe nanhe sae

wahi suni sisakti rah-guzaren

kahan tak yaad gham-KHwari karegi

kahan tak zulf-e-tanhai sanwaren

siwae is ke ab chaara hi kya hai

KHala mein ek naya chehra ubhaaren

uTho nindon se aankhon ko jalaen

chalo KHwabon ki pariyon ko pukaren