ho shoKH colour gora badan tikha libaada

ho shoḳh colour gorā badan tīkhā libāda

apnī to talab ek hai peshānī kushāda

is shahr meñ kyā karnā hai 'ushshāq ne rah kar

is shahr meñ sāġhar hai na miinā hai na baada

jiinā hai to jiinā hai faqat tere sahāre

apnī maiñ batā.ūñ to yahī ek irāda

chāhūñ bhī to maiñ shukr adā kar nahīñ pā.ūñ

in'ām tire mujh pe haiñ kuchh itne ziyāda

paaoñ to salāmat haiñ agar juute nahīñ to

shākir huuñ ḳhudāyā maiñ tirā pair piyāda

har chaal zamāne kī samajhtā hai 'buḳhārī'

saada hai magar itnā bhī 'āsim' nahīñ saada

ho shoKH colour gora badan tikha libaada

apni to talab ek hai peshani kushada

is shahr mein kya karna hai 'ushshaq ne rah kar

is shahr mein saghar hai na mina hai na baada

jina hai to jina hai faqat tere sahaare

apni main bataun to yahi ek irada

chahun bhi to main shukr ada kar nahin paun

in'am tere mujh pe hain kuchh itne ziyaada

paon to salamat hain agar jute nahin to

shakir hun KHudaya main tera pair piyaada

har chaal zamane ki samajhta hai 'buKHari'

sada hai magar itna bhi 'asim' nahin sada