یقیناً راستہ حق پر نہیں ہے
یقیناً راستہ حق پر نہیں ہے
کوئی پتھر کوئی ٹھوکر نہیں ہے
محبت کا سفر بہتر نہیں ہے
اگر عاشق چلا دن بھر نہیں ہے
تعلق ٹوٹ جانے کا ہے خطرہ
مگر دیوار میں اک در نہیں ہے
کسے روداد اپنی ہم سنائیں
کسی کا حال اب بہتر نہیں ہے
محبت نے اسے پرواز دی ہے
ہماری شاعری بے پر نہیں ہے
کہاں رکھوں شکستہ دل کے ٹکڑے
بریلی میں عجائب گھر نہیں ہے
سبھی دشمن بھلے ہیں دوستوں سے
کسی کے ہاتھ میں نشتر نہیں ہے
سڑک پر آ گئے ہیں سارے عاشق
نگر میں بادشہ اکبر نہیں ہے
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
Click on any word to get its meaning
