yaqinan rasta haq par nahin hai
yaqīnan rāsta haq par nahīñ hai
koī patthar koī Thokar nahīñ hai
mohabbat kā safar behtar nahīñ hai
agar 'āshiq chalā din bhar nahīñ hai
ta'alluq TuuT jaane kā hai ḳhatra
magar dīvār meñ ik dar nahīñ hai
kise rūdād apnī ham sunā.eñ
kisī kā haal ab behtar nahīñ hai
mohabbat ne ise parvāz dī hai
hamārī shā'irī be-par nahīñ hai
kahāñ rakkhūñ shikasta-dil ke TukḌe
barelī meñ 'ajā.ib-ghar nahīñ hai
sabhī dushman bhale haiñ dostoñ se
kisī ke haath meñ nashtar nahīñ hai
saḌak par aa ga.e haiñ saare 'āshiq
nagar meñ bādshah akbar nahīñ hai
yaqinan rasta haq par nahin hai
koi patthar koi Thokar nahin hai
mohabbat ka safar behtar nahin hai
agar 'ashiq chala din bhar nahin hai
ta'alluq TuT jaane ka hai KHatra
magar diwar mein ek dar nahin hai
kise rudad apni hum sunaen
kisi ka haal ab behtar nahin hai
mohabbat ne ise parwaz di hai
hamari sha'iri be-par nahin hai
kahan rakkhun shikasta-dil ke TukDe
bareli mein 'ajaib-ghar nahin hai
sabhi dushman bhale hain doston se
kisi ke hath mein nashtar nahin hai
saDak par aa gae hain sare 'ashiq
nagar mein baadshah akbar nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
