aisa karna dil-e-bedar na waisa karna
aisā karnā dil-e-bedār na vaisā karnā
jaise vo aañkh kahe us ko muhayyā karnā
merī vahshat ne sikhā.e haiñ sabaq jiine ke
mujh ko aatā hai musībat meñ guzārā karnā
us kā ehsās bharā lams hai darkār hameñ
dast-e-taqdīr yahī kaam hamārā karnā
ab to bas ek hī dhun apnī banī rahtī hai
aate jaate kisī darvesh ko dekhā karnā
apnī marzī se vo kartā hai 'atā.eñ 'jāmī'
achchhā hotā nahīñ har baar taqāzā karnā
aisa karna dil-e-bedar na waisa karna
jaise wo aankh kahe us ko muhayya karna
meri wahshat ne sikhae hain sabaq jine ke
mujh ko aata hai musibat mein guzara karna
us ka ehsas bhara lams hai darkar hamein
dast-e-taqdir yahi kaam hamara karna
ab to bas ek hi dhun apni bani rahti hai
aate jate kisi darwesh ko dekha karna
apni marzi se wo karta hai 'ataen 'jami'
achchha hota nahin har bar taqaza karna
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
