tumhein dil ko dukhane mein zara si der lagti hai
tumheñ dil ko dukhāne meñ zarā sī der lagtī hai
mujhe kab ġham bhulāne meñ zarā sī der lagtī hai
jalāne meñ jise lagtā hai saarī 'umr kā tarka
vahī dīpak bujhāne meñ zarā sī der lagtī hai
rulāne vaale logoñ ko nahīñ mā'lūm ye shāyad
hameñ to muskurāne meñ zarā sī der lagtī hai
mohabbat karte karte thak gayā huuñ par nahīñ samjhā
kahāñ dil ko basāne meñ zarā sī der lagtī hai
likhīñ nazmeñ jo pahroñ baiTh kar tere liye maiñ ne
zamāne ko sunāne meñ zarā sī der lagtī hai
tumhein dil ko dukhane mein zara si der lagti hai
mujhe kab gham bhulane mein zara si der lagti hai
jalane mein jise lagta hai sari 'umr ka tarka
wahi dipak bujhane mein zara si der lagti hai
rulane wale logon ko nahin ma'lum ye shayad
hamein to muskurane mein zara si der lagti hai
mohabbat karte karte thak gaya hun par nahin samjha
kahan dil ko basane mein zara si der lagti hai
likhin nazmen jo pahron baiTh kar tere liye main ne
zamane ko sunane mein zara si der lagti hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
