teri jaanib dubara aa raha hun
terī jānib dubāra aa rahā huuñ
maiñ kitnā DhiiT hotā jā rahā huuñ
mujhe is baat kī be-had ḳhushī hai
tumhāre haath meñ murjhā rahā huuñ
mire maañ baap ḳhālī aa rahe haiñ
maiñ rishta bhej ke pachhtā rahā huuñ
ḳhudā jaane ye kis kī bandagī hai
tire kahne pe masjid jā rahā huuñ
mire ḳhvāboñ se tū Takrā rahī hai
tire ḳhvāboñ se maiñ Takrā rahā huuñ
tū dariyā hai magar Thahrā huā hai
maiñ sahrā huuñ magar bahtā rahā huuñ
zabāñ-dānī ise kahte haiñ yaaro
maiñ us ke sāmne haklā rahā huuñ
teri jaanib dubara aa raha hun
main kitna DhiT hota ja raha hun
mujhe is baat ki be-had KHushi hai
tumhaare hath mein murjha raha hun
mere man bap KHali aa rahe hain
main rishta bhej ke pachhta raha hun
KHuda jaane ye kis ki bandagi hai
tere kahne pe masjid ja raha hun
mere KHwabon se tu Takra rahi hai
tere KHwabon se main Takra raha hun
tu dariya hai magar Thahra hua hai
main sahra hun magar bahta raha hun
zaban-dani ise kahte hain yaro
main us ke samne hakla raha hun
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
